Ekki em ek sjálfstæðismaður

Þó ég skuli játa að hafa í eitt sinn kosið þann flokk (kominn á sextugsaldurinn) en langar samt að ráðleggja sjálfstæðismönnum í besta bróðerni að huga nú alvarlega að því að hreinsa til í flokksforustu sinni.  

  Taka sér formann utan að, það eru til ágætir formannskandidatar utan þessarar valdakreðsu sem nú telur sig eiga flokkinn og geta gert hvað sem þeim hentar og þess vegna í blóra við megin hugmyndir sjálfstæðismanna. 

Hér talar t.d. einn, ágætt formannsefni sem hefur bæði reynslu og það sem ekki er minna virði, skynsemi en á henni virðist nokkur hörgull nú um stundir. 

 

https://heimssyn.blog.is/blog/heimssyn/#entry-2234119

Athugasemdir

[Júlíus Valsson, 27.4.2019 kl. 12:56]

Tómas Ingi er ritsnillingur og sannur (sjálfskipaður) fullveldissinni. Þeim fer óðum fækkandi í Valhöll. 

[Bjarni Gunnlaugur Bjarnason, 27.4.2019 kl. 16:51]

Það eru góðir punktar í þessari grein hans t.d. það að samningur við ESB er ekki að taka þátt í alþjóðlegu samstarfi heldur er það að gangast undir kvaðir ákveðins ríkis. Við hefðum þannig eins getað samið um hálf inngöngu í Sovétríkin sálugu eða USA og ímyndað okkur að við værum að gera alþjóðlega samninga.

[Bjarni Gunnlaugur Bjarnason, 27.4.2019 kl. 16:55]

Ónákvæmt orðað hjá mér í endursögninni "samningur við ESB" er átt við EES samninginn og hvernig hann gengur í berhögg við stjónarskrá.